شهادة الادخار الثلاثية من البنك العربي الأفريقي: كل اللي محتاج تعرفه

البنك العربي الأفريقي الدولي يتيح شهادة ادخار بفائدة 27% تصرف يومياً "شهادة الإيداع اليومية" 2025. خلينا نتكلم عنها و نشرح كل حاجه عنها بالتفاصيل.

شهادة الإيداع اليومية الثلاثية من البنك العربي الأفريقي
شهادة الإيداع اليومية الثلاثية من البنك العربي الأفريقي


ما هي شهادة الادخار الثلاثية من البنك العربي الأفريقي؟

طبعا كلنا نعرف ان شهادات الادخار إحدى أفضل أدوات الاستثمار التي يفضلها العديد من الأفراد للحفاظ على مدخراتهم مع تحقيق عوائد مضمونة. ومن بين هذه الشهادات الادخارية في البنوك تأتي شهادة الادخار الثلاثية من البنك العربي الأفريقي الدولي 2025

شهادة الادخار الثلاثية هي واحدة من أفضل الحلول المالية التي يقدمها البنك العربي الأفريقي الدولي لتلبية احتياجات المدخرين الأفراد. خليني أقولك ببساطة دي شهادة بنكية مدتها (ثلاث سنوات) بتشتريها بمبلغ يبدأ من 5000 جنيه وممكن تزود بمضاعفات المبلغ ده.

المميز فيها "شهادة الادخار الثلاثية من البنك العربي الأفريقي" إن العائد متغير, بمعني ان سعر الفائدة متغير علي أساس سعر الكوريدور للايداع (0.25-) , يعني بيتغير حسب سعر الفائدة في البنك المركزي المصري, وده بيخليها استثمار دايمًا مواكب للتغيرات الاقتصادية, تابع معايا وسوف أشرح لك هذه الجزئية اسفل الموضوع.

مميزات شهادة الادخار الثلاثية من البنك العربي الأفريقي "شهادة الإيداع اليومية"

بصراحة المميزات كتير, وده اللي بيخليها من أكتر الشهادات اللي الناس بتدور عليها في مصر. تعال نشوف:

1. صرف العائد يومي: الشهادة بتوفرلك عائد متغير بتصرفه يوميًا على حسابك. حاليًا العائد وصل لـ27%, وده نسبة جيدة مقارنة بمنتجات ادخار تانية.

2. المرونة في الاستثمار: الحد الأدنى للشراء "شهادة الادخار الثلاثية من البنك العربي الأفريقي" هو 5000 جنيه بس. لو عايز تزود استثمارك, بتقدر تشتري الشهادة بمضاعفات للمبلغ ده.

3. تسهيلات ائتمانية: بضمان الشهادة, البنك يعطيك بطاقة ائتمانية أو إمكانية الاقتراض بضمان الشهادة.

4. أمان واستثمار مضمون: بما إنها صادرة من البنك العربي الأفريقي, فأنت في أمان تام ومفيش أي مخاطرة على فلوسك.

الشروط والأحكام اللي لازم تعرفها عن شهادة الادخار الثلاثية من البنك العربي الأفريقي

مهم جدًا تكون فاهم الشروط اللي بتحكم الشهادة دي علشان تاخد قرارك:

  • مدة الشهادة الثلاثية من البنك العربي الأفريقي: الشهادة مدتها 3 سنين, وده بيخليك تستثمر على المدى المتوسط.
  • عدم الاسترداد قبل 6 شهور: لازم تستنى 6 شهور على الأقل قبل ما تطلب استرداد المبلغ.
  • التجديد التلقائي: لما مدة الشهادة تخلص تقدر تختار تجديدها تلقائيًا بنفس المزايا.
  • العائد المتغير: العائد مرتبط بأسعار الفائدة الرسمية, وده معناه إنه بيتغير حسب الوضع الاقتصادي.

إزاي تشتري شهادة الادخار الثلاثية التي يطرحها البنك العربي الأفريقي؟

الأمر بسيط جدًا, وهذه الخطوات اللي يجب تعملها:

1. روح أقرب فرع للبنك العربي الأفريقي: هتلاقي موظفي خدمة العملاء مستعدين يساعدوك. كل اللي عليك تبلّغهم إنك عايز تشتري الشهادة.

يمكنك ايضا للمزيد من التفاصيل الاتصال بخدمة عملاء البنك العربي الافريقي من داخل مصر على الرقم: 19555. أو من خارج مصر: 19555 (202+) / 26733107 (202+).

2. جهز مستنداتك

  • بطاقة الرقم القومي (سارية).
  • فاتورة مرافق حديثة (كهربا أو مياه أو غاز) في حال طلبها البنك.

3. حدد المبلغ اللي هتستثمره في شراء شهادة الادخار

  • ابدأ بـ5000 جنيه أو أكتر حسب قدرتك مع ملاحظة مضاعفات المبلغ ده.


إزاي بيتحسب العائد المتغير؟

العائد المتغير هو واحد من أكتر النقاط اللي بتميز شهادة الادخار الثلاثية. وعلشان نبسطها أكتر:

العائد المتغير علي الشهادة مرتبط بسعر الكوريدور: بمعني ان البنك المركزي المصري بيحدد سعر الكوريدور (الفائدة الرسمية) للإيداع, وده العائد اللي البنوك بتحصل عليه لما تودع أموالها في البنك المركزي.

خصم 0.25%: العائد على الشهادة بيكون أقل من سعر الكوريدور بـ 0.25%، وده حاجة ثابتة ومحددة.

مثال عملي:

لو سعر الكوريدور حاليًا هو 27.25%، فالعائد على الشهادة هيكون 27%.

لو سعر الكوريدور ارتفع, فالعائد هيزيد تلقائيًا.

الميزة هنا إنك دايمًا بتحصل على عائد قريب جدًا من الفائدة الرسمية, وده بيضمن إن استثمارك مواكب للسوق.

تفاصيل أكتر عن الاسترداد

كتير من الناس بتسأل: "لو احتجت فلوسي, أعمل إيه؟".

الشرط الأساسي: ماينفعش تسترد قيمة الشهادة قبل 6 شهور من تاريخ إصدارها.

عمولة الاسترداد المبكر للشهادة:

  • نسبة الاسترداد على السنة الأولى تكون: 1.50 %.
  • نسبة الاسترداد في السنة الثانية بتكون: 1 %.
  • نسبة الاسترداد في السنة الثالثة تكون: 0.50%.

أسئلة ممكن تسألها قبل ما تاخد القرار

  • هل العائد بيتغير؟

أيوة, العائد متغير ومرتبط بسعر الفائدة الرسمي اللي بيحدده البنك المركزي.

  • ممكن أسحب الشهادة قبل انتهاء مدتها؟

لا, لازم تستنى 6 شهور على الأقل, وبعدها تقدر تسترد الشهادة بشروط البنك.

  • إيه المزايا الإضافية؟

تقدر تحصل على بطاقة ائتمانية أو قرض بضمان الشهادة.

لو عندك أي استفسارات إضافية, متترددش إنك تتواصل مع البنك أو تزور أقرب فرع ليك. او الدخول الي صفحه الفيسبوك الرسمية الخاصة بالموقع (مصدر)

أحدث أقدم

نموذج الاتصال